Копенгагенде Дания Премьер-министрін соққыға жыққан күдікті ұсталды

Дания премьер-министрі, Копенгаген, шабуыл, сурет - Zakon.kz жаңалық 08.06.2024 10:35

Сурет: Instagram/mette

7 маусымда кешкісін Копенгагенде белгісіз ер адам Дания премьер-министрі Метте Фредериксенді соққыға жықты. Көп ұзамай күдікті қамауға алынды, деп хабарлайды Zakon.kz.

DR басылымы үкімет кеңсесіне сілтеме жасай отырып, ер адамның қамауға алынғанын, оқыс оқиға Культорвет алаңында болғанын нақтылады.

Жергілікті БАҚ Метте Фредериксеннің "аман-сау екенін, бірақ аталған жағдай өзін қатты таң қалдырғанын айтты" деп жазады. Бұл оқиға соңғы кездері Еуропадағы саясаткерлерге шабуылдың жиілеп бара жатқандығын танытады. Мәселен, ГФР-да Pax Europa антиислам қозғалысының мүшесі Михаэль Штурценбергерге және "Германия үшін балама" құқықтық-популистік оңшылдар партиясының мүшесі Хайнрих Кохқа пышақпен шабуыл жасалған болатын. 15 мамырда Словакия Премьер-министрі Роберт Фицо бірнеше оқ жарақатын алған.

Оқи отырыңыз