АҚШ-тағы "11 қыркүйектегі" лаңкестік әрекеттерді ұйымдастырушылар өлім жазасынан құтылуы мүмкін
Сурет: pixabay
ТАССтың ақпаратынша, келісім 11 қыркүйектегі шабуылдардың негізгі ұйымдастырушысы Халид Шейх Мұхаммед пен оның екі серігіне қатысты.
Өлім жазасын жоюдың орнына үш айыпталушы 2 976 адамды өлтіруді қоса алғанда, барлық қылмыстары үшін кінәсін мойындауға келісті. Олар келесі аптада кінәні ресми түрде мойындайды.
Қазір айыпталушылар Кубадағы Гуантанамо түрмесінде.
2001 жылы 11 қыркүйекте таңертең 19 содыр төрт жолаушы ұшағын айдап әкетіп, тарихта ең ірі теракт жасады. Террорлық актілерден барлығы үш мыңға тарта адам қаза тапқан. Екі ұшақ бірінен соң бірі Нью-Йорктегі Дүниежүзілік сауда орталығының қос мұнарасын соқты. Содырлар үшінші ұшақты Пентагон ғимаратына бағыттаған. Ал төртінші ұшақтағы жолаушылар терроршыларға қарсылық көрсетіп, ұшақ Пенсильвания штаты аумағына құлаған. Осының барлығы 102 минут ішінде болған.
31 шілде күні АҚШ-тың Калифорния штатында өрт ошағы көбейіп бара жатқандығы хабарланған болатын.
