Жапония үкіметінің басшысы Фумио Кисида қызметінен кететіні туралы мәлімдеді

Сурет: wikimedia

Жапония үкіметінің басшысы Фумио Кишида қызметтен кететінін мәлімдеді, деп хабарлайды Zakon.kz.

Жапония премьер-министрі Фумио Кишида қыркүйекте Либералды-демократиялық партия басшысын сайлауға өз кандидатурасын ұсынбайды. Мұны саясаткер бүгін баспасөз мәслихатында мәлімдеді. Демек жапон министрлер кабинетін жуық арада жаңа лидер басқарады, деп жазады qazaqstan.tv.

Фумио Кишида премьер-министр болып 2021 жылы тағайындалды. Оның үшжылдық мерзімі қыркүйекте аяқталады. Партияда жемқорлыққа қатысты дау туындағасын, Кишиданы халықтың қолдау рейтингі 20 пайыздан төмендеп кеткен.

"Либералды-демократиялық партияны өзгертуге бағытталған басты қадам — менің қызметтен кетуім. Алдағы сайлауға қатыспаймын. Партия лидері ретінде болған оқиға үшін жауапкершілікті өз мойныма аламын. Ал жаңа премьер-министрге қолдау білдіремін." Фумио Кишида, Жапония Премьер-министрі

Оқи отырыңыз