Колумбияда бір топ студент мінген автобус жол апатына ұшырап, 10 адам қаза тапты

Колумбияда студенттер мінген автобус жол апатына ұшырап, 10 адам қаза тапты, тағы 11-і жарақат алды, деп хабарлайды Zakon.kz.

RCN радиостанциясының хабарлауынша, жол апаты 24 мамырда Ла Линея секторындағы Геликоидаль көпірінде болған.

"Автобус көпір қоршауы темірінің біріне соғылған. Қаза тапқандар саны 10 адамды құрады, 11 адам жарақат алды", делінген ақпаратта.

Автобуста жүргізушімен қоса 26 жолаушы болған: Гумбольдт университетінің инженерлік факультетінің 23 студенті, екі профессоры және университеттің баспасөз қызметінің қызметкері. Олардың барлығы, алдын ала мәліметтер бойынша, осы аудандағы туннельдердің бірінде практикалық сабақ өткен. 

Болжам бойынша, жүргізуші механикалық ақауға байланысты рөлге ие бола алмай қалған. Көлік эстакада қоршауына соғылып, кейбір жолаушылар көпірден ұшып кеткен.

#Ampliación | La Policía de Quindío informó que en el bus accidentado en la vía Cajamarca - Calarcá iban 23 estudiantes y tres profesores de la facultad de ingeniería de la Universidad Von Humboldt. https://t.co/SFgkERsHkY pic.twitter.com/kkkeFBL87o

— Noticias RCN (@NoticiasRCN) May 24, 2025

Барлық зардап шеккендер шұғыл түрде ауруханаға жатқызылды. Оқиға фактісі бойынша апаттың нақты себептерін анықтау үшін тергеу жүргізілуде.

Гумбольдт университетінде екі күндік аза тұту күні жарияланды.

Бұған дейін Сұлтан Сүлейменге арнайы түсірілген, түріктің ең танымал сериалы - "Ғаламат ғасыр" фильмінде басты рөлді сомдаған актердың сотталғанын жазғанбыз.