Қарағанды хайуанаттар бағының қызметкерлері екі қонжықты қалай атайтынын оқырманнан сұрады. Ерекше есім ұсынған адамға сыйлық та бар.
Қалаға көктем келді! Ал біздің хайуанаттар бағымызда жақсы жаңалық – бірден 2 аюдың баласы дүниеге келді! Қонжықтарға қандай есім қоятынымызды бірге ойластырайық. Өз нұсқаңызды комментарийге жазыңыз. Жеңімпазға сыйлық береміз. Байқау біздің аккаунттың жазылушылары арасында өткізіледі, – деп жазылған зообақтың Instagram-дағы парақшасында.
Зообақ оқырманы екі қонжыққа мынадай есімдер қоюды ұсынды:
Тимоша мен Тотоша
Биба мен Боба
Кеша мен Тучка
Барни мен Тедди
Чук пен Гек
Тэдди мен Фредди
Айторы мен Бақторы
Айта кетейік, Алматы зообағы қызметкерінің айтуынша, Тянь-шань қоңыр аюы көбіне екеуден туады және қонжықтарын ұрғашысы өзі өсіреді. Жыртқыш аюлардың анасы ерлерінен бөлек өмір сүреді.