Мемлекет басшысы Сіздің қарауыңызға Қарағанды облыстық сотының судьясы Мәукен Еркешті Жоғарғы Соттың судьясы лауазымына сайлау туралы ұсыныс енгізді. Денис Шипп, Қазақстан Республикасы Жоғарғы Сот Кеңесінің Төрағасы
Оның айтуынша, Мәукен Еркештің судьялық қызмет өтілі 22 жылдан астам, судьяның кәсіби біліктілігі жоғары және қылмыстық істер бойынша тәжірибесі мол. Ол судьялар қауымдастығында беделге ие және Жоғарғы Сот судьясының жауапты қызметіне дайын.
Депутаттар мемлекет басшысының шешімін қолдады.
Сондай-ақ, депутаттар Есеп комитетінің мүшесі Рашит Ахметовті өкілеттік мерзімінің аяқталуына байланысты қызметінен босатты: конституциялық нормаларға сәйкес, Есеп комитеті мүшесінің өкілеттік мерзімі бес жыл. Рашит Ахметов 2017 жылдың 29 маусымында Есеп комитетінің мүшесі болып тағайындалды.