Павлодар облыстық ПД мәліметінше, 21 тамыз күні сағат 06:31-де белгісіз ит адамдарға қарай жүгіргені туралы хабарлама түскен. Оқиға Бекхожин көшесінде сауда үйлерінің бірінің артында болған.
Оқиға орнына жеткен полицейлер алабай тұқымды, өтіп бара жатқан адамдарға қарай жүгіріп, өзін агрессивті ұстаған итті көрген.
Ер адам полицияға жүгініп, бұрын бұл ит әйелге, кейін өзіне шабуыл жасағанын айтты. 33 жастағы жәбірленуші – ПД қызметкері. Оң білегінен жарақат алып, ауруханаға жеткізілді.
Полиция қызметкері Ерсін Шахманов ПМ-9 мм қызметтік қаруын қолданып, екі рет оқ атқан. Ит тірі және ветеринарға жеткізілді.