Қостанайдағы қару-жарақ дүкенінде болған өртті сөндіру кезінде 50% дене күйігімен қалалық ауруханаға ауыр халде дүкен директоры жатқызылды. Сондай-ақ, үйінділердің астынан жеке басы әлі анықталып үлгермеген екі ер адамның денесі табылды. ҚР ТЖМ баспасөз қызметі
3 қыркүйекте Назарбаев көшесіндегі "Оружейное палата" дүкені өртеніп кетті. От жақын маңдағы ТЖО, асхана және 8 жеке тұрғын үйдің шатырына ұласып, алапат өртке айналды. Оқиға орнында жоғары деңгейдегі дабыл белгісі бойынша облыстық ТЖД-ның жеке құрамының 40 адамы мен 12 техникасы жұмыс істеді.