Жерорта теңізіндегі Түркияның Хатай провинциясының жағалауында магнитудасы 4,4 болатын жер сілкінісі болды, деп жазады Anadolu.
Жерасты дүмпулері Астана уақытымен 04:29-да тіркелді. Жер сілкінісі Түркияның Сириямен шекарасында, Жерорта теңізі жағалауында орналасқан Яйладаға ауданынан 50,7 шақырым жерде болды.
Жер сілкінісінің ошағы 44,17 км тереңдікте болды.
6 ақпан күні таңертең Түркияда бірнеше күшті жер сілкінісі болды. Кейінірек Түркияның орталық бөлігінде магнитудасы 7,8 болатын тағы бір күшті жер сілкінісі тіркелді. Түркияда бір күннің ішінде күшті жер сілкінісінен кейін 10-нан астам жер сілкінісі сезілді.