Ресей делегациясы украиндықтармен келіссөздер жүргізу үшін Беларуське келіп алды, деп хабарлайды РИА Новости.
Владимир Путиннің баспасөз хатшысы Дмитрий Песковтың айтуынша, делегация құрамында СІМ, сондай-ақ Қорғаныс министрлігі мен өзге де ведомстволар мен Президент әкімшілігінің өкілдері де бар.
Гомельде келіссөз жүргізуге дайынбыз. Дмитрий Песков
Украина тарапы келіссөздер жүргізуге әзір екенін жеткізді. Алайда Владимир Зеленский басқосуды өткізетін алаң ретінде Беларусьтің таңдалуына қарсы. Өйткені бұл елдің аумағынан Украинаға зымырандар ұшырылады дейді. Сондықтан Владимир Зеленский келіссөзді өзге елде өткізуді ұсынып отыр.
Келіссөздер жүргізіп, соғыстың аяқталғанын қалайтынын айтқан Владимир Зеленский келіссөздер жүргізу үшін Ресей тарапына Варшава, Братислава, Будапешт, Ыстамбұл, Баку секілді орындарды ұсынды. Оның пікірінше, тек сол кезде ғана келіссөздер әділ болуы мүмкін. Осыдан кейін онымен байланыс ажыраған.