The Wall Street Journal газетінің хабарлауынша, Ақ үйдің жоғары лауазымды өкілі осындай мәлімдеме жасады. Шенеунік АҚШ президенті ҚХР төрағасымен болған соңғы әңгіме барысында жекелей кездесу мүмкіндігін талқылағанын айтты.
Жуырда телефон арқылы соңғы рет сөйлескен кезде олар жүзбе-жүз кездесу мүмкіндігін сөз етіп, өз командалары бұл мәселені нақтылау үшін талқылау өткізуге келіскен, деп басылым шенеунік сөзін келтіреді.
Екі ел көшбасшылары кездесуін ұйымдастыруға қатысушы ресми тұлғалар, Си Цзиньпин алдымен Қытай Коммунистік партиясының съезін өткізіп алып, содан кейін 15-16 қарашада Бали аралында өтетін G20 саммитіне қатысатынын мәлімдеді. Сол жерден ол АТЭС саммитіне қатысу үшін Бангкокқа ұшып кетеді.
