Киевке тағы 275 млн доллардың көмегі ұсынылады. Путин кезекті мобилизация жайлы сыбысты жоққа шығарды

Украинаның жылу генерациясының жартысына жуығы атыс салдарынан бүлінген немесе жойылған, деп мәлімдеді Украина премьер-министрі Денис Шмыгал. Владимир Путин Ангела Меркельдің Минск келісімдері туралы мәлімдемесі көңілін қалдырғанын айтты, деп хабарлайды Zakon.kz.

• Украинаның жылу генерациясының жартысына жуығы атыс салдарынан бүлінген немесе жойылған, деп мәлімдеді Украинаның премьер-министрі Денис Шмыгал.

• Донецктегі атыс салдарынан экономика және сауда университетінің ғимараты бүлінген.

• АҚШ Украинаға 275 миллион доллардың жаңа әскери көмек пакетін ұсынбақ.

• Украина АҚШ-қа Ресей территориясын атқылау үшін америкалық қаруды қолданбауға уәде берді, деп хабарлады Украина СІМ басшысы Дмитрий Кулеба. Ол мұның Қырымға қатысты жоқ екенін де ескерте кетті.

• Ердоған Украина мен Ресей басшылары Владимир Зеленский мен Владимир Путинмен жаңа келіссөздер жүргізілетінін жариялады.

• Қазір қосымша мобилизация туралы сөз қозғалып жатқан жоқ. Путин журналистердің осы сипаттағы сұрағына осылай жауап берді.

• Путин Германияның бұрынғы канцлері Ангела Меркельдің Минск келісімдері туралы мәлімдемесі күтпеген жерден жасалғанын айтты. Меркель келісімнің Украинаға Ресеймен соғысу үшін дайындалуға уақыт беру үшін жасалғанын мойындады. "Бұл көңілді қалдыру болады", – деді Путин Қырғызстанға сапарының қорытындысы бойынша өткен баспасөз мәслихатында.

• Ұлыбритания билігі санкция тізімін кеңейтті, оған Ресей қарулы күштері мен күштік құрылым ведомстволарының бес өкілі енді. Бұл туралы жұма күні Ұлыбритания үкіметінің сайтында жарияланған ақпаратта қамтылған.