Ғалымдар 26 зерттеуге сүйене отырып, осындай қорытынды жасады, деп хабарлайды ТАСС.
Басылымда COVID-19 инфекциясы нәтижесінде қалыптасатын иммунитет деңгейіне, инфекция мен вакцинацияның салдары - гибридті иммунитетке жүйелі шолу ұсынылған. Талдауға сай гибридті иммунитет адамдар COVID-19-бен ауырғаннан кейін жасалған болса да, вакцинацияның артықшылығын көрсете отырып, адамға жоғары деңгейде қорғаныс бола алады.
Зерттеушілердің айтуынша, ауыр аурудан қорғау гибридті немесе инфекциядан туындаған иммунитет пайда болғаннан кейін 12 айдан кейін вакцинацияланбаған және емделмеген адамдармен салыстырғанда жоғары болады. Дүниежүзі денсаулық сақтау ұйымы адамда гибридті иммунитет қалыптасқаннан кейін бір жылдан соң ауыр ауруға шалдығу ықтималдығы вакцинацияланбаған және ауырмағандармен салыстырғанда кем дегенде 95% төмен екенін атап өтті.
Гибридті немесе аурудан кейінгі иммунитеті бар адамдарды қайта жұқтырудан қорғау да маңызды. Бірінші жағдайда ауруға шалдығу қаупі 42%, ал екінші жағдайда ковидпен ауырмаған, вакцинацияланбаған адамдарға қарағанда 25% төмен.
18 қаңтардағы жағдай бойынша ДДҰ пандемия басталғалы 663 001 898 коронавирус жұқтырғанын және 6 707 959 адам қайтыс болғанын мәлімдеді. Өткен тәулікте коронавирус әлемде 237 243 адамнан анықталып, 830 адам қайтыс болды.
