Видеода ресейлік Су-27 америкалық ұшқышсыз ұшаққа қатты жақындап өткенін көруге болады. Сондай-ақ әскери ұшақтың түтіні дронды зақымдағанға ұқсайды.
АҚШ қарулы күштері қолбасшылығының мәліметі бойынша, дронның бұрандасы зақымданған.
14 наурызда БАҚ америкалық ұшқышсыз ұшу аппараты мен ресейлік әскери ұшақтың Қара теңіз суы көгінде соқтығысқаны туралы хабар таратты. Кейін РФ Қорғаныс министрлігі Қара теңізде АҚШ өндірісіндегі MQ-9 ұшқышсыз аппаратының құлағанын растады.
Пентагон ресейлік ұшқыштарды "қауіпті" әрекеттері үшін айыптап, дрондағы деректердің жойылғанын хабарлады.
Вашингтондағы Ресей елшісі Анатолий Антонов болған оқиғаны арандатушылық деп атады. Ол америкалық ұшақтар мен кемелердің Ресей шекарасы маңында шаруасы болмауын мәлімдеді.
