New York Daily News газетінің жазуынша, Калифорниядағы жеке үйлерге бірнеше рет басып кіргеннен кейін Хэнк Танк деген қара ұрғашы аю "ұсталған". Тұрғындар басында оны еркек аю деп ойлаған екен. Ол Тахо көлінің жағасындағы жеке үйлердің иелерін бір жарым жыл бойы қорқытып келген.
Калифорнияның жабайы табиғат және балық шаруашылығы департаментінің мәліметі бойынша, аю кем дегенде 21 үйге басып кіру және жеке меншікке мүлкіне елеулі зиян келтіргені үшін жауапты. Оның "қылмысқа" қатысы барын ДНҚ тестілері растады. Үйден аю тамақ іздеген: адамның тамағына құмартқаны сонша, одан қорқуды қойған, сол себепті де жергілікті тұрғындарға қауіп төндіре бастаған. Ұсталған кезде аюдың салмағы шамамен 227 келі болған.
Хэнк-Танкпен бірге оның үш қонжығы ұсталды. Олар жабайы жануарларды сауықтыру орталығына орналастырылды, сонан соң қорықта еркіне қоя бермек. Мамандар қонжықтар жабайы табиғатқа сәтті сіңісіп, "енесінен үйренген жаман қылықтарын" көрсетпейді деп үміттеніп отыр. Ал ұры аю қазір бостандыққа жіберілмейді. Оны ветеринарлар тексереді, содан кейін ол Колорадодағы жабайы жануарларды ұстау орталығына жіберіледі.
Иракта аю ұшақта жәшіктен шығып кетті.
