40 жастағы Марк Дики 31 тамызда зерттеу мақсатында Тавр тауларындағы Морка үңгіріне түсіп, содан жері бетіне оралмаған. Оның ауырып қалғаны айтылады.
Ол үңгірлер мен шахталардағы құтқару жұмыстарының мамандандырылған тобының жетекшісі, сондай-ақ үңгірлерді сақтау жөніндегі ұлттық комиссияның нұсқаушысы.
Спепелеолог сарапшы халықаралық спелеологиялық экспедицияны басқаруға көмектескен. Сол кезде оның ішкі құрылысында проблемалар туындап, мұрнынан қан кетіп, құсып, басы айналған.
"Ол өз бетінше үңгірден шыға алмады, оған тек ең тәжірибелі спелеологтар ғана барып, көмек көрсете алады", - деді құтқару тобындағылар.
Сондай-ақ, тәжірибелі үңгіртанушының өзіне оның тұрған жеріне жетуі үшін шамамен сегіз сағат уақыт қажет болатыны да айтылады.
Еуропалық үңгірлер федерациясының мәліметі бойынша, Венгрияның үңгірлерді сақтау қызметінің медициналық бригадасы құтқару операциясына қосымша ат салысады. Дәрігерлер сейсенбіде Диккиге жетіп, жоғалтқан қанның орнын толтыру үшін оған сұйықтық пен қан бере алды: Әлі де өздігінен қозғала алмаса да оның жағдайы сәл жақсарған сияқты, деп хабарлады Нью-Джерсидегі алғашқы әрекет ету тобы.
Бірнеше басқа халықаралық құтқару топтары, соның ішінде хорват, итальян, поляк, словян және америкалық спелеологтар биліктен ресми шақыртуды күтіп отыр, делінген Еуропалық спелеология федерациясының мәлімдемесінде
Нью-Джерсидегі алғашқы әрекет ету тобының мәліметі бойынша, түрік әскери күштері де қашықтан құтқару операциясына қатысады.
