CNN басылымының жазуынша, Солтүстік Кореяда қабылданған түзетулер мемлекеттің атомдық қару арсеналын ұлғайтуды көздейді және бұдан былай өзін толыққанды ядролық держава санайтынын білдіреді. Түзетулер екі күндік тыңдаудан кейін қабылданды.
CNN бұл шешім бұрын Ким Чен Ын сөз еткен КХДР ұстанымын күшейтетінін атап өтеді: Солтүстік Корея ядролық қаруды "мәңгіге" иемденуге ниетті және Оңтүстік Корея, АҚШ, Батыс елдері талап еткендей, одан бас тартпақ емес.
Солтүстік Корея ядролық сынақтарын соңғы рет 2017 жылы өткізді. 2018 жылы Ким Чен Ын сол кездегі АҚШ президенті Дональд Трамппен келіссөздерге қатысты, келіссөз барысында Солтүстік Кореяның атом бомбасын жасаудан бас тарту мүмкіндігі талқыланды, бірақ келісімге қол жеткізілмеді.