Журналистер Орталық Азия елдерінің тәуелсіздік алған 30 жылдан астам тарихында АҚШ президенттері ресми шақырулар болғанымен, бұл мемлекеттерге, оның ішінде Қазақстанға бірде-бір рет келмегенін еске салды. Елші "президент сапарға шығуы мүмкін" деп жауап берді.
"Бүгін ештеңе жариялай алмаймын, бірақ осындай мүмкіндік бар екенін айтқым келеді. Жоғарыда айтқанымдай, Қазақстан мен Орталық Азияға Америка құрама штаттарының жоғарғы басшылығы тарапынан үлкен қызығушылық бар. Сондықтан бұл мүмкін".Дэниел Розенблюм
Бұған дейін ҚР президенті Қасым-Жомарт Тоқаев Америка құрама штаттарына барып, "Орталық Азия-АҚШ" мемлекет басшыларының саммитіне қатысып, сөз сөйлеген еді.