Түркияның қауіпсіздік күштері террористік ұйым ретінде танылған Күрдістан жұмысшылар партиясына (КЖП) қатысы бар деген күдікпен 20-ға жуық адамды ұстады. Бұл туралы 2023 жылдың 2 қазанында Түркияның Ішкі істер министрі Әли Ерлікая Twitter-де жазды.
"Ыстамбұл мен Қырқларелідегі 26 мекенжай бойынша жүргізілген терроризмге қарсы операциялардың нәтижесінде 20 күдікті ұсталды". Түркияның ішкі істер министрі
1 қазанда Анкара қаласының орталығындағы Түркия ІІМ ғимаратының жанында жарылыс болды. Алдын ала ақпарат бойынша, теракт жасалмақ болған. Түркия ІІМ министрінің айтуынша, Анкарадағы министрлік ғимаратының жанында террористік шабуыл жасалды: лаңкестердің бірі өзін-өзі жарып жіберді, екіншісінің көзі жойылды. Атыс кезінде екі полиция қызметкері жеңіл жарақат алды. Құрбан болғандар жоқ.