Синьхуа агенттігінің мәліметі бойынша, тағы 62 адам зардап шекті.
Бұған дейін Қытайдың орталық теледидары тоғыз адамның қаза тапқанын хабарлаған. Табиғи апаттан көптеген ғимараттар қирады. Билік іздеу-құтқару жұмыстарын ұйымдастырды. Апат аймағында халықты эвакуациялау басталды.
Жер сілкінісі жергілікті уақыт бойынша 9:05-те (Астана уақыты бойынша 6:05-те) тіркелді. АҚШ геологиялық қызметінің мәліметінше, жер сілкінісінің магнитудасы 7,1 баллды құрады. Қытайдың сейсмикалық орталығы жер тербелісі магнитудасын 6,8 деп бағалады. Зілзала эпицентрі Тибеттің халық ең көп қоныстанған екінші қала - Шигадзеден 163 шақырым қашықтықта болды. Зілзала ошағы 10 шақырым тереңдікте орналасқан.
Динжи округінің тұрғындары қатты жер сілкіністерін сезінді. Салдарынан көптеген ғимараттар құлады. Жер асты дүмпулері Непалда, Үндістанда, Бутанда және Бангладеште де сезілді.