Yonhap агенттігінің дерегінше, апат режимі 22 наурыз күні сағат 18:00-ден бастап Ульсан метрополия қаласында, Кенсан-Пукто және Кенсан-Намдо провинцияларында жарияланды.
"Өрт салдарынан өрт сөндіру қызметінің төрт қызметкері қаза тапты. Алты адам, оның ішінде бір жергілікті тұрғын зардап шекті. Көрші ауылдардан 500 адам эвакуацияланды. 260-ы үйлерінен айырылып, уақытша орналастыру орындарына орналасты", – деп жазды агенттік.
Өрт 21 наурыз, жұма күні Санчхон округінде басталды. Сенбі күні таңертең жалынның шамамен 70%-ы ауыздықталған болатын, алайда жел тұрып, бұл көрсеткіш 35%-ға дейін төмендеді.
Апаттан зардап шеккен аудандарда теміржол байланысы уақытша тоқтатылды, жоғары жылдамдықты магистральдар жұмыс істемейді.
Бұған дейін Флоридадағы Диснейлендте өрт шыққандығы хабарланған болатын.