РИА Новости дерегінше, бұл туралы "Грузин арманы" партиясының атқарушы хатшысы Мамука Мдинарадзе брифинг барысында мәлімдеген.
Оның айтуынша, Грузияның Қылмыстық кодексіне жаңа жаза түрі енгізіледі – шетел азаматын елден шығарып жіберу және белгілі бір мерзімге елге қайта кіруге тыйым салу.
Сонымен қатар, Мдинарадзенің айтуынша:
- Грузия аумағында болу ережелерін бұзған шетел азаматтарына салынатын айыппұл көлемі көбейеді;
- Елде заңсыз жүрген шетелдіктерді елден шығару тәртібі жеңілдетіледі.
Бұған дейін, сәуір айының ортасында, Грузияның Ішкі істер министрлігі шетелдіктер мен азаматтығы жоқ адамдарға халықаралық қорғау беру, заңсыз көші-қонмен күресу және босқын мәртебесін алу рәсімдерін теріс пайдаланудың алдын алу мақсатында ережелерді қатаңдататын заң жобаларының пакетін әзірлеген болатын.
Бұған дейін Түркияның Маниса қаласының мэрінің тоққа соғылып, қайтыс болғанын жазғанбыз.