РИА Новости мәліметінше, 10 маусым күні сағат 21:00-ден кейін полицияның жарық-шум гранаталары мен резеңке оқтар арқылы тарату әрекетіне қарамастан, наразылар қайта күшейді. Бұл жолы дүкендерді қирату мен вандализм әрекеттері басталды. Маска киген жастар тобы суши-дүкеннің есігін бұзып кірген.
Сонымен қатар, белсенділер қабырғаларды, тротуарларды, жолдарды, ескерткіштерді – көзге түскен барлық нәрсені бояп жатыр. Полиция әзірге бұл наразылық әрекеттеріне араласпай отыр.
Калифорниядағы наразылықтар
Лос-Анджелесте 7 маусым күні заңсыз мигранттарға қарсы рейдтерге байланысты тәртіпсіздіктер басталған болатын. Полиция наразыларға қарсы көз жасаурататын газ және жарық-шум гранаталарын қолданды. Сондай-ақ, қалаға Ұлттық гвардияның әскері жіберілді. Қазірдің өзінде 300 әскери қызметкер Лос-Анджелесте, тағы 500 теңіз жаяу әскері жіберуге дайындалып жатыр.
Бұл – соңғы ондаған жылдағы алғашқы жағдай, мұнда президент штаттың сұранысынсыз немесе келісімінсіз Ұлттық гвардияны тартқан. Бұған жауап ретінде:
- Губернатор Трампқа қарсы сотқа жүгінетінін мәлімдеді.
- Лос-Анджелес мэрі Карен Басс бұл шешімді арандату деп атады.
- Калифорнияда 80-нен астам адам қамауға алынды.
Губернатор, егер федералды қаржыландыру қысқартылса, штат федералды салық төлеуден бас тартуы мүмкін екенін айтты.