Катардың Азаматтық авиация басқармасы Х әлеуметтік желісіндегі парақшасында Иранның Таяу Шығыстағы АҚШ базасына жасаған соққыларынан кейін елдің әуе кеңістігінің қайта ашылғанын хабарлады.
"Бас азаматтық авиация басқармасы Катардың әуе кеңістігінде әуе қозғалысының қайта жанданғанын және жағдайдың қалыпты деңгейге оралғанын жариялайды", – делінген мәлімдемеде.
Сурет: Х/qatarairways
Айта кетейік, Таяу Шығыстағы жағдайға байланысты Иран, БАӘ және Бахрейннің әуе кеңістіктері жабық.
Бұған дейін Сыртқы істер министрлігі отандастарына Таяу Шығысқа бұрын жоспарланған барлық сапарларын қайта қарауды қатаң түрде ұсынғаны жайлы жазғанбыз.