РИА Новости хабарлағандай, ұшақ Мурманскіден солтүстікке қарай Баренц теңізі аумағында шамамен бір сағат патруль жасағаннан кейін ұшу бақылауынан жоғалған.
Қазақстан уақытымен шамамен сағат 14:30-да америкалық радиоэлектрондық барлау жүргізуге арналған Boeing RC-135W Rivet Joint ұшағы Ұлыбританиядағы Милденхолл әскери әуе базасынан ұшып, солтүстікке қарай бағыт алған.
Норвегия жағалауы бойымен ұшқан ұшақ сағат 17:50 шамасында Баренц теңізі аумағына кіріп, кейін бағытын батысқа өзгерткен.
Сағат 18:40-та ұшақ Ресей шекарасынан шамамен 400 шақырым қашықтықта радардан жоғалып кеткен. Болжам бойынша, оның жоғалуы геолокация жүйелерінің әдейі өшірілуіне байланысты болуы мүмкін.
Ұшу мониторингі сервистерінде ұшақ бағытының соңғы нүктесі көрсетілмеген.