82 мың алматылық Almaty Clean & Green экоакциясына қатысты
Қала әкімі Ерболат Досаев екі жердегі – Баум тоғайы мен Медеу ауданындағы экоакцияға қатысты. Әкімнің айтуынша, қоршаған ортаны қорғау, табиғатты аялауға бағытталған мұндай акциялар мегаполисте жақсы дәстүрге айналуға тиіс.
Сурет: Алматы қалалық әкімдігі
Акцияға 82 мыңнан астам адам қатысып, 5 мың көшет егіліп, 15 мың шаршы метрден астам қоқыс жиналды.
Сурет: Алматы қалалық әкімдігі
Экологиялық акцияны амбассадорлар, танымал әртістер бірауыздан қолдады.
Сурет: Алматы қалалық әкімдігі
Игі бастамаға аудандық әкімдіктер де атсалысып, өздерінің аумағында коммуналдық қызметпен бірлесіп, жергілікті жерде сенбілік өткізді.
Акция барысында қаланың барлық ауданында 26 аумақ тазартылды.
Сурет: Алматы қалалық әкімдігі
Радиоэлектроника және байланыс әскери-инженерлік институты мен Алматы әскери-техникалық мектебінің курсанттары да Clean & Green әлемдік форматындағы сенбілікке қатысты.
Қорғаныс министрлігінің әскери оқу орындарының 100-ден астам курсанттары жалпықалалық сенбілікке қатысып, қоршаған ортаны қорғау шарасына белсенді ат салысты.
