Ұлттық экономика министрлігінің басшысы теңге әлсірегенімен, кейін өз позицияларын қалпына келтіретін маусымдық кезеңдердің бар екенін атап өтті.
«Қазір біз, негізінен, теңге бағамы 460 теңгеден төмен екенін көріп отырмыз – дәл осы бағам біз бюджетті нақтылау кезінде белгілеген болатын». Қазақстан Республикасының Ұлттық экономика министрі Әлібек Қуантиров
Журналистер министрге девальвация болады ма деген сұрақты төтесінен қойды.
Министр жауап ретінде басын шайқады.
Бұған дейін Үкімет отырысында Ұлттық банк қазан айында теңгенің долларға шаққандағы бағамы 1,7 пайызға нығайды деп мәлімдеген.
