2024 жылғы қаңтар-қарашада негізгі капиталға салынған инвестициялардың көлемі 15758 млрд теңгені құрады, бұл 2023 жылғы қаңтар-қарашадан (салыстырмалы бағамен) 3,1% көп, деп хабарлайды Ұлттық статистика бюросы.
"Негізгі капиталға салынған инвестициялардың негізгі капиталға салынған инвестициялар өсімі Қарағанды (50,5%-ға), Жетісу (37,8%-ға), Павлодар (35,8%-ға), Түркістан (25,5%-ға), Алматы (22,5%-ға), Қызылорда (20,5%)-ға облыстарында және Астана қаласында (20,4%-ға) байқалды". Ұлттық статистика бюросы
Бұл ретте, бюро мәліметінше, негізгі капиталға салынған инвестициялардың Атырау (27,7%-ға), Ақмола (15,2%-ға), Манғыстау (14,4%-ға), Ақтөбе (13,9%-ға), Ұлытау облысы (6,4%-ға), Алматы қаласында (3,8%), және Жамбыл (2,8%-ға) облыстарында төмендегені байқалады.
Инвестицияларды қаржыландырудың басым көздері шаруашылық жүргізуші субъектілердің меншікті қаражаты болып қала береді, олардың көлемі 2024 жылғы қаңтар-қарашада 10345,5 млрд.теңгені немесе жалпы көлемнің 65,7%-құрады.
Бюджет қаражаты негізгі капиталға салынған инвестициялардың жалпы көлемінің 20,2% құрады, бұл ретте 2023 жылғы қаңтар-қарашамен салыстырғанда 37,5% жоғары.
Негізгі капиталға салынған инвестициялардың жалпы көлемінде экономиканың нақты секторын қаржыландырудағы банк саласының үлесі 4% алады.
2024 жылғы қаңтар-қарашада негізгі капиталға салынған инвестициялардың негізгі үлесі өнеркәсіпке (40,5%) (оның ішінде тау-кен өндіру өнеркәсібіне және карьерлерді қазуына–20,3%, өңдеу өнеркәсібіне–10,5%), жылжымайтын мүлікпен операцияларға (19,3%), көлік және жинақтауға (17,8%) және ауыл, орман және балық шаруашылығына (4,9%) тиесілі.
Бұған дейін Қазақстанда өмір сапасының индексі қалай өзгергенін жазған болатынбыз.