Бұл туралы 2025 жылы 29 қыркүйекте Үкіметтің баспасөз қызметі хабарлады:
"Қазақстан Республикасы Үкіметінің қаулысымен Қайырхан Серікұлы Тұтқышбаев энергетика вице-министрі қызметіне тағайындалды".
Қайырхан Тұтқышбаев 1991 жылы Алматы қаласында дүниеге келген. Қ.И.Сәтбаев атындағы Қазақ ұлттық техникалық университетін бітірген.
Еңбек жолын 2009 жылы Алматы қаласы "Орталық Азия тау-кен одағы" ҚБ-да бастаған.
- 2011–2014 жылдары — "Degdar Engineering" ЖШС тау-кен жұмысын және тау-кен жабдығын жобалау бөлімінің инженері.
- Әр жылдары Энергетика министрлігі Жер қойнауын пайдалану департаментінің бас сарапшысы, басқарма басшысы, директоры қызметін атқарды.
- 2022–2023 жылдары — ҚР Экология, геология және табиғи ресурстар министрлігі Геология комитеті төрағасының орынбасары.
- 2023–2023 жылдары — ҚР Индустрия және инфрақұрылымдық даму министрлігі Геология комитеті төрағасының орынбасары.
- 2023–2024 жылдары — ҚР Өнеркәсіп және құрылыс министрлігі Геология комитеті төрағасының орынбасары.
- 2024 жылы — "Қазатомөнеркәсіп" ҰАК" АҚ сирек металдар және жерде сирек кездесетін металдарды геологиялық барлау және дамыту жөніндегі басқарушы директоры.
- 2024 жылдың қыркүйек айынан бастап қазіргі уақытқа дейін "Graphite minerals" ЖШС бас директоры қызметін атқарды.
Бұған дейін Мемлекет басшысы жаңадан тағайындалған министр Жұлдыз Сүлейменованы қабылдағаны белгілі.