Пірматов «Қазір команда біздің болжамды жаңартумен жұмыс істеп жатыр» деп нақтылады.
"Осы болжамдық раундтың қорытындысы бойынша, деректер мен бірқатар макроэкономикалық факторларға сүйене отырып, шешім қабылдаймыз. Қажет болса, базалық мөлшерлемені қайтадан көтеруге дайынбыз. Шешімді 5 желтоқсанда жариялаймыз. Біз әрдайым деректерге, негізгі макроэкономикалық параметрлерге, инфляциялық күтуге және басқа да факторларға қатысты болжамдарымызға сүйене отырып шешім қабылдаймыз», - деді Ғалымжан Пірматов.
Бұл ретте ол кәсіби ортада базалық мөлшерлеме туралы талқылауға оң көзқараспен қарайтынын атап өтті.
"Мен нарықтың кәсіби қатысушылары тарапынан біздің шешімдеріміздің қисыны барған сайын артып келе жатқанын байқаймын. Көрсеткіш тым төмен дейтіндер де, тым жоғары деп айтатындар да бар. Бірақ маған оның бар екені ұнайды. Кәсіпқой ортада жеткілікті мазмұнды пікірталас болуы керек және біз оны қолдаймыз», - деді Ұлттық банк басшысы.
Ол Ұлттық банк кәсіби макроэкономистер арасында тұрақты сауалнама жүргізе бастағанын, оған 11 зерттеу ұйымы қатысатынын еске салды.