Чикаго тауар биржасында сәуірдегі алтын фьючерстері Астана уақытымен сағат 09.00-де бір унция үшін 2852,06 долларға сатылды. Бұған дейін алтын құнының ең жоғары көрсеткіші 2024 жылдың 30 қазанында бір унция үшін 2801,8 доллар деңгейінде болды.
Бұл ретте, бір жыл ішінде алтынның құны 56,34% – ға өсті. Осыдан тура бір жыл бұрын, 2024 жылғы 31 қаңтарда 1 грамм алтынның ресми бағасы 29 330,06 теңгені құрады. Бүгінде бұл баға 45.853,26 теңгеге дейін өскен.
Bangkok Post дерегінше, алтынның бағасы жақын арада жаңа рекордтық деңгейге жетуі мүмкін, себебі Қытай өзінің резервтерін құру үшін сары металды сатып ала бастады.
Инвесторларға құймалардың бағалық ауытқуларын қадағалап, жаңа рекордты күту ұсынылады. Күтілетін баға диапазоны бір унция үшін 2800-3000 долларды құрайды (31,1034768 г), оны АҚШ долларының әлсіреуі және Қытай үкіметінің резервтер үшін алтын сатып алуының артуы қолдайды, деп хабарлады BLS брокерлік агенттігі (Тайланд).
Айта кетейік, 2024 жылы тұрақты геосаяси шиеленіс жағдайында барлық елдер өздерінің алтын қорларын толықтыруды жалғастырды. Ең ірі сатып алушы Түркия болып, 14,1 тонна сатып алды. Екінші орында – Үндістан 5,1тонна, үздік үштікті 5 тонна сатып алып Қытай қорытындылады. Нәтижесінде "алтын" рейтингі пайда болды.
Әлем елдерінің алтын қоры, тоннамен:
- АҚШ – 8,133. 46
- Қытай – 2,264.32
- Швейцария –1,039. 94
- Үндістан – 853.63
- Жапония – 845.97
- Тайвань – 422.69
- Сауд Арабиясы – 323.07
- Сингапур – 227.61
- Бразилия – 129,65
- Оңтүстік Корея –104.45
Бұған дейін Алматыда есірткі жарнамалаудың жаңа тәсілі анықталғандығы хабарланған болатын.