Polisia.kz берген мәліметке сай, 2 наурызда Қарағанды облысының ПД Криминалдық полиция басқармасының, Жаңаарқа және Шет аудандарының полиция бөлімдерінің қызметкерлері жедел-іздестіру іс-шараларының барысында бірқатар мал ұрлығымен айналысқан қылмыстық топты құрықтады.
Оның құрамында 33-40 жас аралығындағы үш ер адам болды. Айғақты зат – автокөлік, тіркелген үш қару тәркіленді.
Күдіктілер оқ ату арқылы мал ұрлығының үш фактісін мойындады. Осылайша, 2020 жылдың 21 қарашасы мен 3 желтоқсаны аралығында қаскүнемдер еркін жайылымда жүрген Шет ауданының 61 жастағы тұрғынының үш жылқының басынан атып ұрлап кеткен.
Келтірілген шығын көлемі 1,2 млн теңгені құрады. Сондай-ақ, күдіктілер Шет ауданында 73 жастағы шаруаның үш бас ірі қарасын атып өлтірген. Келтірілген шығынның жалпы сомасы 800 мың теңгені құрайды.
Сонымен қатар, шабуылдаушылар Шет ауданындағы ауылдардың бірінің маңында жылқының бір басын атып кеткен.
Бірақ олар өлікті ұрлай алмаған, сырттан көлік пайда болып, күдіктілер қашып кеткен. Зардап шегуші 60 жастағы шаруа қожалығының басшысы шығын көлемін 600 мың теңгеге бағалаған.
Барлық фактілер бойынша Қазақстан Республикасы Қылмыстық кодексінің 24-188-бабы (Мал ұрлығы) бойынша қылмыстық іс қозғалды. Қазіргі уақытта тергеу амалдары жүргізілуде.