Сәуірдің 24-і күні «Батыс» өңірлік қолбасшылығының жауынгері, майор Олжас Тойшыбаев алғашқы велошеруді жасау үшін Атырау қаласынан велосипедпен аттанды. Ол үшін офицер арнайы демалысқа шықты.
Алматыға баратын жол жақын емес еді – үш мың шақырымнан астам. Маршрут Орал, Ақтөбе, Арал, Қызылорда, Түркістан, Шымкент, Тараз қалалары арқылы өтті.
Жолда кездескен қиындықтар мен ыстыққа қарамастан, Олжас осындай ұзақ жолды сәтті бағындырды. Оған небәрі 20 күн қажет болды. Орта есеппен ол тәулігіне 150 км жол жүрді - тіпті тәжірибелі велосипедшілер үшін бұл өте көп.
Мен мұны өзім үшін жасадым. Мен үнемі дене және жауынгерлік дайындықпен айналысатын әскери адам болғандықтан, жолда өзімді сынап, рухымды көтеріп, төзімділікті шыңдағым келді. Екіншіден, сол арқылы жастарымызды, өскелең ұрпақты спортқа, салауатты өмір салтына шақырғым келді. «Тәні саудың – көңілі сау» дегендей. Үшіншіден, ол азамат ретінде, өз елінің патриоты ретінде өз Отанын, өз Қазақстанын көргісі келді, себебі Қазақстан шағын мемлекет емес, жер көлемі жағынан әлемде тоғызыншы орында тұр. Ал мен қай жерде қандай халық тұрады, қайда орналасқан, табиғатты өз көзіммен көргім келді. Олжас Тойшыбаев
Велосипедші алған білімдері мен бақылаулары қызметте оған пайдалы болады деп есептейді.
