Облыстық ТЖД нақтылағандай, «112» байланыс нүктесіне 22 мамыр күні сағат 22:10-да төрт демалушының жоғалып кеткені туралы хабарлама түскен.
Сағат 11:00-де олар Сусінген көлінен Алтын-Дән демалыс аймағына қарай шығып кетіп, қайтып оралмаған. Түркістан облысы Төтенше жағдайлар департаментінің баспасөз қызметі
Іздестіру жұмыстарына 17 құтқарушы, кинологиялық бөлімнің бір қызметкері итпен, екі техника және ДП-ның төрт қызметкері, Ұлттық парктің бес қызметкері жұмылдырылды.
Ведомствода олармен 22 мамырда сағат 23:10-да және 23 мамырда сағат 02:32-де хабарласқандарын атап өтті.
Жоғалған төрт адам таулы Құлыншақты өңірінен (Науытсай шатқалынан 10 шақырым жерде) табылды.
Жоғалғандардың айтуынша, олар тұманда адасып кеткен.
Сағат 06:35-те іздестіру тобы медициналық көмекті қажет етпеген жоғалғандарды түсіріп, құтқарды. Түркістан облысы Төтенше жағдайлар департаментінің баспасөз қызметі
Егер сіз тауға серуендеуге шықсаңыз, бейтаныс бағытқа бармаңыз. Ыңғайлы киім киіңіз (арнайы аяқ киім жақсырақ). Естеріңізде болсын, таулы жер қауіпті, деп ескертеді Түркістан облысының Төтенше жағдайлар департаменті.