Қылмыстық-атқару жүйесі департаментіне қарасты ЛА-155/4 орташа қауіпсіздік мекемесінде ер адам скотчпен оралған минералды судың пластикалық бөтелкесімен бір орамды аумаққа лақтыруға тырысты.
Мекеме қызметкерлерінің қырағылығының арқасында ер адам ұсталды. Скочталған орам ішіндегі тыйым салынған заттар: үш ұялы телефон және алкогольдің ерекше иісі бар бөтелкедегі сұйықтық тәркіленді.
Аталған факті бойынша Іле аудандық ПБ тергеу-жедел тобы шақырылды. Ұсталған азаматтың жеке басы анықталды. Тексеру барысында ер адам өз кінәсін мойындады, – деді Алматы облысы бойынша ҚАЖД бастығының орынбасары Қанат Ашов.
