Жалған сатып алушы қымбат алтын алқаларды таңдады. Сатып алудан бұрын ол жақын жердегі ломбардта олардың түпнұсқалығын тексеруді шешті. Содан белгісіз бағытқа қашып кеткен.
Өтінішті полиция ҚР ҚК-нің 190-бабы бойынша тіркеді. «Алаяқтық» бойынша қылмыстық іс қозғалып, ер адамды іздеуге кірісті. Тергеушілер күдіктіні бейнебақылау камералары арқылы анықтады.
Тергеу барысында тәртіп сақшылары оның Түркістан облысында да осындай қылмысқа қатысы барын анықтады. Ер адам сарыағаштық кәсіпкерге 1,5 миллион теңге шығын келтірген.
Алаяқтың жүрген жерін анықтау мақсатында тәртіп сақшылары еліміздің өзге өңірлеріндегі әріптестеріне бағыт-бағдар жолдады. Нәтижесінде тергеушілер күдіктінің ізіне түсіп, Петропавлда ұстады.
Ол 44 жастағы Әзірбайжан азаматы болып шықты. Ол қазір қамауда отыр. Айыптау қорытындысымен істі Абай аудандық полиция бөлімінің тергеушілері сотқа жіберді.
