«KTZ Express» АҚ түсіндіргендей, 2021 жылдың 26 қазанында «KTZ Express Shipping» ЖШС (кеме иесі) ресейлік Green Line LLC компаниясымен бербоут-чартер шартын жасасты, оның ішінде келесі шарттар қаралған:
«Жібек жолы» кемесі (7 000 ДВТ) үшінші тұлғаларға беру құқығынсыз берілді (2016 жылы Невский кеме жасау және жөндеу зауытынан сатып алынған);
2022 жылдың 30 қарашасына дейін жарамды;
халықаралық тәжірибеге сәйкес санкциялық тармақ бар: «Green Line» жауапкершілігі шектеулі серіктестігі келісім-шарт жасасқан күні және әрекет ету мерзімі ішінде оларға ешқандай санкциялар қолданылмайтындығына кепілдік береді. Олай болмаған жағдайда, кеме иесі шартты дереу бұзуға құқылы.
«Green-Line» жауапкершілігі шектеулі серіктестігі мен оның басшылығы (Шепин А.В., Тихомирова М.В.) АҚШ, ЕО, Ұлыбритания және Канаданың санкциялық тізіміне енбеген.
Тәжірибе мен жасалған шарттың шарттарына сәйкес жалға алушы жүктің түрі мен оны тасымалдау маршруттары туралы кеме иесімен келіспейді.
«Green-Line» жауапкершілігі шектеулі серіктестігі 1999 жылдан бері астық және мұнай трейдері болып табылатын эстониялық Mangelbert OU компаниясымен Украинадан Түркияға астық тасымалдау қызметтерін көрсетуге ұзақ мерзімді келісімшартқа отырды. «KTZ Express» АҚ
Mangelbert OU басшысының айтуынша, 2022 жылдың 28 маусымында Бердянск теңіз сауда портында бидай тиелген (6927,8 тонна) «Жібек жолы» кемесі порттан Түркияның Қарасу порты бағытында (шамамен 2022 ж. кеменің келуі 2022 жылдың 1 шілдесі) жөнелтілген. Ол сондай-ақ астықтың украиндық екенін, ал тасымалдау украин тарапының өтініші бойынша келісілген гуманитарлық дәліз бойынша жүзеге асырылатынын алға тартады.
Бұл ретте «KTZ Express» АҚ осы тасымалдауға қатысушылармен, сондай-ақ дипломатиялық миссия өкілдерімен белсенді консультациялар жүргізеді. «KTZ Express» АҚ қолданыстағы санкциялық шектеулерді қатаң сақтауға міндеттеледі. «Қазақстан темір жолы» ҰК» АҚ баспасөз қызметі
30 маусымда қазақстандық «Жібек жолы» кемесімен Бердянск теңіз сауда порты арқылы Украинадан астық экспортталатыны туралы ақпарат пайда болды.
