Маңғыстауда термометр көрсеткіші +50 градусқа көтерілді

Маңғыстауда ең жоғары ауа температурасы тіркелді, деп хабарлайды Zakon.kz.

Жетібай елдімекенінің жұмысшылары түсірген видеода термометр көрсеткіші +50 градусқа дейін көтерілген.

Видео авторларының айтуынша, олар аптап ыстыққа қарамастан далада жұмыс істеген.

Синоптиктердің болжамына сәйкес, сондай-ақ, Шымкент, Түркістан, Қызылорда, Атырау, Ақтөбеде дауылды ескерту жарияланды.

Ол аймақтарда 46 градус ыстық болып, шаңды жел соғады. Кей жерлерде найзағай ойнайды.