Жыл басынан алимент төлеуден бас тартып, сот үкімін орындамаған 6 борышкер қылмыстық жауапкершілікке тартылған. Бүгінде Алматы Әділет департаментінде борышкерлер бойынша 1800-ге жуық іс қаралуда, деп жазады qazaqstan.tv.
Қасақана жалтару фактілері бойынша 82 адамды әкімшілік жауапкершілікке тарттық. Соның ішінде әкімшілік жаапкершілік 1 тәуліктен 5 тәулікке дейін қамау шарасы бар. Осыны қолданып отырмыз. Алты қылмыстық іс қозғалды. Жаңабай Ағманов, Алматы қаласы Әділет департаменті басшысының орынбасары
Сондай-ақ соңғы жарты жылда 244 алматылық банктер мен микроқаржы ұйымдарына қарызын өтей алмай, үйінен айрылған. Былтырғымен салыстырғанда бұл көрсеткіш 40 пайызға көп. Демек, қазақстандықтардың қарызы көбейіп, оны төлей алмайтындардың қатары артқан.
