Алматыдағы саябақтардың біріндегі ағаштарды мұз басты

Әлеуметтік желіде Алматыдағы Тұңғыш президент саябағында мұз басқан ағаштарды көрсететін видео тарады, деп хабарлайды Zakon.kz.

Саябақтың қызмет көрсету ұйымының мәліметінше, 1 қазанға қараған түні суару жүйесі істен шығып, одан су ағаштарға шашыраған. Таңертең күн райына байланысты ағаштарды мұз басып қалған.

Әкімдік суару жүйесі қазір қалпына келтірілгенін мәлімдеді.