Соның жарқын мысалы – «Түркі әлемінің болашағы – 2040» бағдарламалық құжаты. Бүгін оны жүзеге асыру мақсатында Түркі мемлекеттері ұйымының Стратегиясы қабылданады.
Бұл құжат өзара іс-қимылды нығайтуға және мемлекеттерімізді біріктіретін тұрақтылық белдеуін нығайтуға ықпал ететіні сөзсіз. Сондықтан біздің ынтымақтастығымыз табысты болады деп айтуға толық негіз бар. Аймақтық және жаһандық күн тәртібіндегі мәселелерді шешуге белсене араласа отырып, біз қуатты да беделді күшке айналуымыз керек. Қазіргі геосаяси және геоэкономикалық қайшылықтар Еуразия континентінің экономикасы мен көлік-логистикалық жүйесіне кері әсерін тигізуде. Біз барлық сын-қатерлер мен қауіптерге бірлесіп қарсы тұру үшін ынтымақ танытуымыз керек