Вице-министрдің айтуынша, бұл мәселе көптеген елдердің құқық қорғау органдарының құзыретіне жатады.
"Бұл мәселе саяси деңгейде талқыланбайды, бұл мәселе Еуропа мен АҚШ-ты қоса алғанда, сот билігінің құзыры болып табылады. Өздеріңіз білетіндей, Әблязов Қазақстанда құқық бұзушылық жасағаны үшін соттың үкімімен 20 жылға сотталған болатын. Сондай-ақ Лондонның Жоғарғы соты оны БТА банкінен 4 миллиардқа жуық ақшаны ұрлағаны үшін соттады. Қазақстан Республикасы Сыртқы істер министрінің орынбасары Роман Василенко
Сондай-ақ ол қазіргі уақытта АҚШ, Ұлыбритания және Францияда экс-банкирге қатысты басқа да түрлі процестер жүріп жатқанын айтты.
«Қазақстан тарапынан бұл процестің тараптары БТА Банкі де, Алматы қаласының әкімшілігі немесе Қазақстанның Әділет министрлігі болып табылады». Роман Василенко
Қазақстан мен Франция арасында қылмыскерлерді экстрадициялау туралы құжаттар ратификацияланды ма, жоқ па деген сұраққа министрдің орынбасары әзірге мұндай келісім жоқ, бірақ бұл мәселе талқыланатынын айтты.
"Қазақстан мен Франция арасында экстрадициялау туралы келісім әлі жасалған жоқ. Бұл мәселе француз тарапымен бұдан әрі талқыланады. Бірақ, менің білуімше, Әблязовке қатысты сот процестері қазір Францияның өзінде өтіп жатыр". Роман Василенко
2022 жылдың қыркүйегінде Мұхтар Әбілязовтың тағы бір сыбайласы халықаралық іздеуден қайтарылғаны белгілі болды.
