Қазір облыс орталығындағы көшелерде қозғалыс қиындаған. Тұрғындар аулада қалған көлігін қозғай алмай, қалың қарда омбылап жүр. Ал күшейтілген режимге көшкен коммуналдық қызмет жолдарды ақ ұлпадан тазартып үлгере алмай жатыр, деп хабарлайды КТК телеарнасы.
Себебі, қардың қалыңдығы қазірдің өзінде бір жарым метрге жуық. Сондықтан құтқарушылар жұртты барынша сақ болуға шақырды. Ал Қазгидромет мамандары алдағы күндері аяз қысып, көктайғақ болады деп болжап отыр.
Айта кетсек, аязға байланысты еліміздің үш өңіріндегі жолдарда көлік қозғалысына шектеу енгізілгені хабарланған болатын.
