2021-2022 оқу жылында Қазақстанда 169 үш ауысымдық мектеп жұмыс істеді. Бұл бір жыл бұрынғыдан 5,6%-ға көп (160 мектеп). Үш жылда мұндай мектептердің саны бірден 32%-ға өсті.
Оқушылардың санына қатысты мәселенің ауқымы айқын көрінеді. Үш ауысымда оқитын мектептерде 291,1 мың оқушы оқиды, бұл өткен жылмен салыстырғанда 4,9%-ға артық.
Өңірлік тұрғыда үш ауысымды мектептердің басым бөлігі Алматыда (59 мектеп), сондай-ақ Маңғыстау (18 мектеп), Атырау (17 мектеп), Түркістан (15 мектеп) және Павлодар (10 мектеп) облыстарында байқалады, деп жазады Ranking.kz.
19 тамызда вице-премьер Ералы Тоғжанов барлық облыс әкімдіктеріне үш ауысымда оқитын және апатты жағдайдағы мектептерді толығымен жоюды тапсырды. Тоғжанов бұл мәселені жеке бақылауында ұстауға уәде берді.
