"Қазгидромет" РМК ұсынған ақпарат бойынша, ел аумағының басым бөлігінде арктикалық антициклонның әсерінен жауын-шашынсыз аязды ауа-райы сақталады.
"Республиканың оңтүстігінде, оңтүстік-шығысында, шығысында, солтүстігінде атмосфералық фронтальды бөлімдердің өтуімен қар жауады, республиканың оңтүстігінде, оңтүстік-шығысында, таулы аудандарында кей уақыттарда қатты қар жауып, жел күшейеді, бұрқасын, көктайғақ болады. Республика бойынша тұман болжанды"."Қазгидромет" РМК
Синоптиктердің болжамынша:
- түнде Ақтөбе облысының солтүстігінде - 40-41 градус өте қатты аяз;
- Маңғыстау облысында - 25 градус өте қатты аяз;
- Ақмола облысында - 40 градус қатты аяз;
- Қарағанды облысында - 35-38 градус қатты аяз;
- Ақтөбе облысында - 35-36 градус қатты аяз;
- Атырау облысында - 30 градус қатты аяз;
- Түркістан облысының солтүстігінде - 25-27 градус қатты аяз;
- Жетісу облысының солтүстігінде, таулы аудандарында - 25 градус қатты аяз болады.
Астана қаласы – көшпелі бұлтты, кей уақыттарда аздаған қар жауады. Батыстан жел соғады, күші 3-8 м/с болады. Ауаның температурасы түнде 35-37°С, күндіз 26-28°С аяз болады.
Алматы қаласы – бұлтты, кей уақыттарда қар жауады, тұман, көктайғақ. Жел соғады, күші 0-5 м/с. Ауаның температурасы түнде және күндіз 10-12°С аяз, күндіз тағы суыта түседі.
Шымкент қаласы – көшпелі бұлтты, түнде және таңертең кей уақыттарда қар жауады, тұман түседі. Солтүстік-батыстан, солтүстіктен жел соғады, күші 8-13 м/с. Ауаның температурасы түнде 14-16°С, күндіз 8-10°С аяз болады.
