"Қазгидромет" РМК ұсынған мәлімет бойынша, солтүстік-батыс антициклонының ықпалымен республиканың басым бөлігінде жауын-шашынсыз ауа райы сақталады.
Синоптиктердің хабарлауынша, тек Қазақстанның солтүстігінде, шығысында атмосфералық бөліктердің өтуімен қар жауады, бұрқасын соғып, жел күшейеді, солтүстікте, батыста, оңтүстікте тұман болжанды.
Түнде солтүстікте, Жетісу облысының таулы аймақтарында 28 градусқа дейін қатты аяз болады.
