Жер дауына қатысты соттың шешіміне наразы болған азамат темір техниканың үстіне шығып әділдік талап етпекші болған. Нақтырақ айтсақ, ол өзіне тиесілі жер телімін 2002-ден 2051 жылға дейін кәсіпкерге жалға беріп, осы аралықта табысының 10 пайызын алып тұруға келіскен.
Алайда алғашқы күннен бастап бизнесмен бұл шарттың талабынан жалтарған.
Ол 2021 жылдың желтоқсанында әкімдік оларды жер учаскесіне құқығынан айырғанын және оны 30 жыл мерзімге сол жеке кәсіпкерге пайдалануға бергенін білген.
Төтенше жағдайлар департаментінің мамандары кранның төбесінен ер-азаматты аман-есен түсіріп алды. Қазір полиция істің жай-жапсарын тексеріп жатыр. Өз өміріне қауіп төндіріп, қоғамдық тәртіпті бұзған ер адамның қандай жазаға тартылатыны әзірше белгісіз.
Таяуда ғана осы сынды әрекетке барған астаналық тұрғын бес тәулікке қамалған еді.