КТК телеарнасының хабарлауынша, үздік үштікке Алматы, Петропавл және Көкшетау қалалары кірген. Оның үстіне солтүстікте жалға берілетін шаршы метр бағасының өсу қарқыны оңтүстік астанадан да асып түсті.
Сарапшылар баспана бағасынан кейін жалдау ақысы көтерілгенін айтады. Жыл ішінде жаңа үйлердегі пәтерлер шамамен 8%-ға қосылды. Қазір олардың орташа бағасы шаршы метріне 486 мың теңгені құрайды. Ең қызығы, Ақтөбе мен Ақтауда жаңа баспана бірден қымбаттады – құнының төрттен бірі. Қайталама нарықтағы шаршылар 4% қосты, метрі 500 мың теңгеге бағаланды.
Бұл ретте сарапшылар тұрғын үй нарығындағы транзакциялар саны бірден 40%-ға қысқарғанын атап өтті. Осының аясында пәтерлерді жалдау бағасы үштен біріне дерлік қымбаттады. Жалдамалы баспананың шаршы метрі қазір шамамен 5000 теңге тұрады. Жалдау ақысы ең қымбат қалалардың үштігін Көкшетау басқарды. Көрші Петропавлдан сәл төмен. Үздік үштікті Алматы түйіндеп тұр.
Бұған дейін Қазақстанда бір айда баспана бағасы төмендегенін жазған болатынбыз.