Бюро Қазақстан халқы тез қартайып жатқанын байқады. Бюро сарапшыларының мәліметінше, бір жылда қарттық индексі 1,6 тармаққа өскен.
"Қазақстанда қарттық индексі 2022 жылы 28,2 болды. Осылайша бір жылда 1,6% тармаққа өсті (26,6 - 2021). Бұл 0 мен 15 жас аралығындағы әр 100 балаға 65 жастан асқан 28,2 азамат келеді деген сөз", - деп хабарлады ведомство.
Өңірлер тұрғысында Шығыс Қазақстанда ең жоғары көрсеткіш – 56,9. Одан кейінгі орында Солтүстік Қазақстан облысы – 56,3, алғашқы үштікке Қостанай облысы да кіреді – 48,9.
Ең жас аймақ Маңғыстау облысы болды. Онда кейінгі 10 жылда бала туудың ең жоғары көрсеткіші сақталды. Мұнда әр 100 балаға 65 жастан асқан 10,8 азамат келеді. Сонымен қатар қарттықтың төмен индексі Түркістан облысында – 11,3 және Шымкент қаласында – 11,7 тіркелді.
Қалалық жерлерде қартаю индексі ауылдық жерлерге қарағанда жоғары, сәйкесінше 30,7 және 24,5.
Бұған дейін Қазақстанда халықтың қартаюы байқалатынын жазған едік. БҰҰ статистикасы бойынша, 2022 жылдың басында 65 жастан асқан әйелдердің үлесі 10,1%-ға жеткен. Он жыл бұрын ол небәрі 8,2% еді. 65 және одан жоғары жастағы ерлердің үлесі онжылдықта 4,8%-дан 6,1%-ға дейін өсті.