"Қазгидромет" РМК мәліметінше, еліміздің басым бөлігінде найзағай ойнап, жаңбыр жауады. Тек республиканың оңтүстігінде, солтүстік-батысында, орталығында күн жауын-шашынсыз.
"Қазақстанның басым бөлігінде жел күшейеді. Еліміздің солтүстік-шығысында, шығысында бұршақ жауады, солтүстікте, түнде және таңертең шығыста тұман, оңтүстік-батыста күндіз шаңды дауыл соғады"."Қазгидромет" РМК
Астанада көшпелі бұлт шығады, күндіз жаңбыр жауады, найзағай ойнайды. Батыстан, солтүстік-батыстан соғатын жел екпіні секундына 9-14 метр. Ауа температурасы түнде +11+13°С, күндіз +22+24°С.
Алматыда көшпелі бұлт шығады, жауын-шашынсыз. Солтүстік-батыстан, солтүстіктен соғатын желдің күші секундына 2-7 метр. Ауа температурасы түнде +15+17°С, күндіз +26+28°С.
Шымкентте көшпелі бұлт шығады, жауын-шашынсыз. Солтүстік-шығыстан секундына 5-10 метр жел соғады. Ауа температурасы түнде +17+19°С, күндіз +33+35°С.